Isipin na lumalakad sa kakahuyan sa isang madilim na gabi na may isa lamang lampara o flashlight na gagabay sa iyo. Paano ka mananatili sa daan? Paano mo malalaman kung saan pupunta? Paano mo maiiwasan na maligaw?
Ang may-akda ng Mga Awit 119 ay nagbahagi ng ilang kaunawaan:
“Salita mo'y isang tanglaw na sa akin ay patnubay, sa landas kong daraanan, liwanag na tumatanglaw.”
Mga Awit 119: 105 RTPV05
Ang salita ng Diyos ay tumutukoy sa nakasulat o binigkas na mensahe ng Diyos, gayundin ang mensahe ng Diyos na ipinahayag sa katauhan ni Jesu-Cristo, na kadalasang tinatawag na Salita.
Ang Diyos ay totoo. Sadya ka Niyang nilikha, at idinisenyo Niya ang mundong ito na ikaw ang nasa isipan. Kaya, paano mo malalaman kung sino Siya, kung ano Siya, at kung ano ang naisin Niya mula sa iyo at para sa iyo?
Maaari mong makilala ang Diyos, mas maunawaan kung bakit ka Niya nilikha, at maglakbay sa dumidilim na mundong ito sa pamamagitan ng liwanag ng Kanyang Salita.
Ang salita ng Diyos ay parang ilaw sa iyong kamay, na nagbibigay-liwanag sa mga katotohanan tungkol sa kuwento ng Diyos, sa katangian ng Diyos, at sa mga paraan ng Diyos. Tinutulungan tayo nitong maunawaan ang Kanyang nilikha at sagutin ang mahihirap na tanong o gumawa ng mahihirap na pagpili.
Ang patnubay na masusumpungan sa Salita ng Diyos ay perpekto. Ang Kanyang kuwento ay totoo. Ang Kanyang mga tagubilin ay mapagkakatiwalaan. Ang Kanyang mga pangako ay mananatili. Ang Kanyang mga utos ay parang mga sinag ng liwanag na nagtuturo sa atin pabalik sa Kanya.
Ngayon, pansinin kung ano ang hindi sinasabi ng talatang ito. Hindi nito sinasabi na ang salita ng Diyos ay isang ilaw ng lente na naglalantad ng lahat ng bawat bagay tungkol sa iyong nakaraan, kasalukuyan, o hinaharap.
Hindi, ang Salita ng Diyos ay tanglaw sa iyong mga paa at liwanag sa iyong landas. At habang lumalakad ka kasama Niya, dahan-dahan, dadalhin ka Niya patungo sa buhay.
