Malinaw ang kahulugan ng mga salita ni Jesus. Dapat baliwalain ng mga kababaihan saanman ang lahat ng gawaing bahay at gugulin ang kanilang oras kay Jesus? Simple lang? Pero, baka hindi ganun kasimple.
Kaya, paano natin iaangkop ang tugon ni Jesus kina Maria at Marta sa modernong buhay-pamilya? May pagkain na kailangang ihanda, labahan na kailangang labhan, at kalat na kailangang linisin. May mga gawaing kailangang gawin, Jesus, at kung hindi magtatrabaho si Marta, lahat ay magugutom.
Okay lang bang pabayaan ang gawaing bahay at magbasa ng ating Bibliya at magdasal buong araw? Sa tingin ko hindi, at naniniwala akong may ilang palatandaan sa pagkikita ni Jesus kay Marta na tutulong sa atin na makahanap ng balanseng tugon. Narito ang tatlong aral na sa tingin ko ay maaari nating matutunan:
Suriin ang mga expectations
Ano ba ang pinagsisikapan ni Marta? Anong klaseng pagkain ang inihahanda niya? Ito ba ay masustansiya at pangkaraniwan lang, o sobra-sobra para lang mapabilib ang kanyang mga bisita at gawing perpekto ang lahat?
Alam natin lahat, ang taong bahala sa pagkain sa isang hapunan ay ang punong-abala. Ang hapunan ay bihirang tungkol sa pagkain, sa mga setting ng mesa, sa dekorasyon, atbp. Ang natatandaan natin, ang inaasahan at kinatutuwaan natin, ay ang mga taong nakapaligid sa mesa—ang mga pag-uusap, pagbabahagi ng mga kuwento, pagtawa, alaala, at luha. At nagagawa natin ito ng pinakamahusay sa pagkain! Ito ang puso ng magiliw sa panauhin. Ang pagkain ang nagbibigay sa atin ng dahilan, ngunit hindi ito ang pangunahing bahagi.
Kamakailan lang, isang kaibigan ko ang nagpost sa kanyang social media, "Huwag gumawa ng mga sandwich na hindi hiningi ni Jesus. –Martha" Napakatalino nito! Binabasa niya ang Dreaming with God ni Bill Johnston. Sobra-sobra ang ginagawa ni Marta kaysa sa hinihiling ni Jesus. At maaari tayong mahulog sa bitag na iyon din. Napakaraming pagkakataon upang gamitin ang ating mga "Marta muscles"; lumalagpas tayo sa linya mula sa pagkakatawag satin ni Jesus, at dahil ito sa ating pride (o kawalan ng kumpiyansa, o pakiramdam ng obligasyon), dagdag at dagdag tayo ng dagdag.
Suriin ang iyong attitude
Hindi natin alam ng malinaw mula sa salaysay sa Bibliya kung ano ang inihahanda ni Marta, ngunit alam natin ang kanyang attitude. Tinutukoy ito ni Jesus nang direkta. "Marta, Marta, nababahala ka at nababagabag sa maraming bagay." Stressed si Marta. Marami siyang gagawin na higit sa oras niya sa isang araw para matapos ito.
Walang mas masahol pa kaysa sa isang stressed na punong-abala. Kinukuha nito ang kasiyahan mula sa lahat ng nakaupo sa mesa. Ang lumang kasabihan, "Kung hindi masaya si mama, walang sinuman ang masaya", ay totoo. May paraan tayo ng pagpapakalat ng ating masamang mood sa ating tahanan at pamilya. Naapektuhan natin ang emosyonal na temperatura ng ating tahanan sa pamamagitan ng ating attitude.
May mga alaala akong pinagsisisihan bilang isang stressed-out na ina. Sa ilang kadahilanan, ang paghahanda ng aming tahanan para sa mga bisita ay nagpapalabas ng pinakamasama sa akin. Sa tatlong maliliit na bata, madalas akong nahihirapan na panatilihing malinis at 'handa para sa bisita' ang aming tahanan. May mga laruan at kalat ng bahay na nakakalat sa paligid ng aming tahanan sa lahat ng oras.
Kapag inaasahan namin ang mga bisita, nagiging isang halimaw ako, sumisigaw ng mga utos sa aking mga anak upang kunin ang kanilang mga bagay at linisin ang kanilang mga silid. Pagdating ng mga bisita, naka-ngiti na ako at kontrolado ang lahat, ngunit pagod na kaming lahat mula sa aking pagwawala. Hindi ito maganda.
Nagtataka ako kung tinutukoy ni Jesus ang attitude ni Marta higit sa kanyang mga gawaing serbisyo. Kung naghahanda siya ng pagkain nang may mapagmahal at mapagbigay na espiritu kaysa sa pagiging stressed at nababahala, maaaring iba ang naging tugon ni Jesus. Hindi minamaliit ni Jesus ang mga gawain ng magiliw sa panauhin at maasikaso sa bahay. Tinutukoy niya ang puso ng paglilingkod natin. Kapag ang ating paglilingkod ay nagiging sanhi upang maging masungit tayong halimaw, panahon na upang pakinggan ang pagsaway ni Jesus.
Ayusin ang iyong mga prayoridad
Pinili ni Maria ang mas mabuti sa panahong iyon. Kahit na may mga ibang gawain na kailangang gawin, okay lang na maglaan ng oras si Maria para matuto sa paanan ni Jesus. Ang gawain ng isang babae ay hindi kailanman tapos. Mahalaga ang ating mga gawaing bahay. Hindi uunlad ang ating mga pamilya nang walang isang dedicated na tagapamahala ng tahanan na humahawak sa kumplikadong buhay-pamilya. Ngunit, may mga bagay na mas mahalaga kaysa sa isang malinis na tahanan at maayos na labahan—ang ating relasyon kay Jesus. Kahit gaano tayo kaabala, ang paggugol ng oras na makipag-ugnay sa ating Tagapagligtas ay mas mataas na prayoridad.
Naglalaan tayo ng oras para sa pinakamahalagang bagay. Ang ilang panahon ng buhay-pamilya ay mas mahirap kaysa sa iba, at nagbabago ang ating buhay-debosyon sa iba't ibang yugto ng buhay, ngunit hindi ito maaaring maisantabi nang lubos dahil sa abala. Mahirap sa isang mundo na puno ng mga distractions at pagkaantala, ngunit maaari nating linangin ang isang masiglang buhay-debosyon kapag binigyan natin ito ng mataas na prayoridad.
Maraming paraan upang makipag-ugnayan sa Diyos. Nagsulat ako ng post, "16 Paraan upang Makakuha ng Higit Pang Bibliya sa iyong Araw", na may mga ideya kung paano dalhin ang pananampalataya sa iyong buhay. May mga app, journal, podcast, blog at album upang makatulong. Maaari tayong magbasa, makinig, magsulat at kumanta ng salita ng Diyos. Kailangan nating pumili na patayin ang TV, radyo, at social media ng ilang minuto bawat araw upang linangin ang ating relasyon, umupo sa paanan ni Jesus, at piliin kung ano ang mas mabuti.
May mga araw na naririnig ko ang pagsaway ni Jesus. "Christine, Christine, nababahala ka at nababagabag sa maraming bagay." Isa itong imbitasyon, "Halika at umupo ka sa akin." Kapag naglakas-loob akong bitawan ang mga inaasahan at gawing mas mataas na prayoridad ang paglinang ng relasyon sa aking Tagapagligtas, nakikipagtagpo Siya sa akin at binabago ang aking saloobin. Maaari kong bitawan ang stress at tanggapin ang Kanyang kapayapaan. Pinalalaya ako mula sa aking listahan ng mga gagawin at natatagpuan ko ang aking halaga sa aking relasyon sa Kanya.
Hindi ko iniisip na may balanse na matatagpuan sa pagitan nina Maria at Marta. Naniniwala akong maaari tayong maglingkod sa ating pamilya at komunidad sa makadiyos na paraan habang ginagawa pa ring prayoridad ang ating relasyon sa Diyos. Maaari nating matutunan na maglingkod nang walang stress at pagkabalisa na ipinakita ni Marta sa pamamagitan ng pagpapa-prioridad ng oras na ginugol kay Jesus tulad ni Maria. Kapag nagsimulang lumabas ang ating saloobing "Marta", kailangan nating magsanay na maging katulad ni Maria at maglaan ng oras sa paanan ni Jesus.
Hindi ito madali sa abala ng buhay-pamilya. Ngunit may ilang simpleng kasanayan na makakatulong.
1. Suriin ang iyong mga expectations. Mayroon bang mga paraan upang mapadali mo ang iyong buhay-pamilya upang mabawasan ang stress at abala? Tandaan, ang pagiging magiliw ay hindi tungkol sa pagkain; ito ay tungkol sa oras na ginugugol nang magkasama.
2. Bantayan ang iyong ugali. Hulihin agad ang pagtaas ng galit at maglaan ng sandali upang kontrolin ang iyong pag-aalala bago ito lumala.
3. Regular na maglaan ng oras sa Diyos. Magbasa o makinig sa salita ng Diyos. Sabihin o isulat ang iyong mga panalangin. Umawit kasama ng mga awit ng pagsamba. Makipag-ugnayan sa isang lokal na simbahan. Gawing prayoridad ang iyong relasyon kay Jesus, at hayaang baguhin Niya ang iyong buhay.
************
DUMALAW SI JESUS KINA MARTHA AT MARIA
Lucas 10:38-42 MBBTAG12
[38] Si Jesus at ang kanyang mga alagad ay nagpatuloy sa kanilang paglalakbay, at pumasok sa isang nayon. Malugod silang tinanggap sa tahanan ni Martha. [39] May kapatid siyang si Maria na naupo sa may paanan ng Panginoon upang makinig sa kanyang itinuturo. [40] Si Martha naman ay abalang-abala sa paghahanda, kaya't lumapit siya kay Jesus at nagsabi, “Panginoon, balewala po ba sa inyo na pinababayaan ako ng kapatid kong maghanda nang nag-iisa? Sabihan nga po ninyo siyang tulungan naman ako.”[41] Ngunit sinabi ng Panginoon sa kanya, “Martha, Martha, nababalisa ka at abalang-abala sa maraming bagay, [42] ngunit iisa lamang ang kailangan. Pinili ni Maria ang mabuti at ito'y hindi aalisin sa kanya.”
